CinemaPlus şəbəkəsinə 7 kinoteatr, 33 ekran və 3638 oturacaq daxildir.

Yüksək ölçülü 3D-kontentini nümayiş etdirmək imkanı olan rəqəmsal proyeksiya sistemi və yüksək keyfiyyətli kinoekranlar ilə təchiz olunub. Həmçinin, gücləndirilmiş parlaqlıq və “Enhanced 4K Barco” dəqiq təsvirinə malikdir. Bütün bunlar və başqa amillər kinofilmləri ən yaxşı keyfiyyətdə nümayiş etdirmək imkanı yaradır.

“CinemaPlus” kinoteatrlar şəbəkəsinin tətbiq etdiyi “Platinum Movie Suites” konsepsiyası tamaşaçılara yüksək komfortlu, dəbdəbəli və dəridən hazırlanmış, söykənəcəyi tam arxaya açılan italyan kreslolarda film izləmək və kinoseans zamanı qida və içkilərin sifariş etmək imkanı yaradır.

Bundan əlavə “CinemaPlus” Azərbaycanda ilk dəfə Dolby Atmos texnologiyası tətbiq edib.

Səs müşayiətini kinoteatrın istənilən yerinə yerləşdirmək və yerini dəyişmək imkanı hesabına Dolby Digital Atmos film yaradıcılarına kinoda səsi yeni bir mərhələyə çıxarmaq imkan yaradır. Nəticədə tamaşaçı ekranda baş verənləri sadəcə izləmir, hadisənin mərkəzinə daxil olur.

Paytaxtın mərkəzində, Xəzər dənizinin sahilində - Dəniz Mall ticarət mərkəzində ölkənin ən böyük kinoteatrı “CinemaPlus” ən son 4DX texnologiyası ilə açılacaqdır. Ticarət mərkəzinin açılışı çox yaxında gözlənilir. Yeni “CinemaPlus” kinoteatrı 11 zaldan və 1165 oturacaq yerindən ibarətdir.

CinemaPlus

Zaur Darabzadə

Müşahidə Şurasının üzvü və Biznesin inkişafı departamentinin direktoru